«BioNTech» вакцинасын жасаушы Германияның Марбург қаласындағы (Франкфурт қаласынан 75 шақырым жерде) жаңа зауытта америкалық алып «Pfizer»-мен бірге жасалған COVID-19 вакцинасын шығаруды бастады. Бұл нысан Еуроодаққа вакциналар жеткізу көлемін едәуір арттырады.
«Біз Марбургтегі зауытта өндірістік процесті бірінші кезеңнен бастадық: белсенді фармацевтикалық ингредиент саналатын мРНҚ бөлшектерін шығарлуда», делінген «BioNTech» компаниясының хабарламасында.
Техникалық процедуралардан кейін тазартылған және концентрацияланған өнім зарарсыздандырылған жағдайда жұмысты аяқтау үшін «өндірістік серіктес» алаңына тасымалданады, дейді компания өкілдері.
2021 жылдың бірінші жартысында «BioNTech» Марбургтегі кәсіпорнында COVID-250 вакцинасының 19 миллионға дейін дозасын шығаруды жоспарлап отыр. Еуропалық дәрілік заттар агенттігі (EMA) осы зауытта ағымдағы жылдың ақпан-наурыз айларында өндірілген медицина препараттарының сапасына алғашқы тексеру жүргізеді деп күтілуде.
Компания өкілдері Германиядағы кәсіпорынның жылдық өндірістік қуаты 750 миллион дозаны құрайтынын мәлімдеді. Өндіріс көлемін кеңейту үшін «BioNtech» компаниясы өткен жылы швейцариялық фармацевтикалық алпауыт «Novartis» компаниясынан Марбург зауытын сатып алған болатын, онда 300-ге жуық қызметкер жұмыс істеген. Жаңа иелері алдыңғы қызметкерлерді қалдырғанын атап өтті.
