Таяуда Жапония ведомствосының сарапшылары Pfizer вакцинасын қолдануға рұқсат берді. Содан кейін елдің денсаулық сақтау министрі Норихиса Тамура вакцина 16 жастан асқан адамдарға арасы үш аптадан екі доза салынатынын мәлімдеді.
Америкалық вакцинаның алғашқы партиясы 12 ақпанда таңертең Токионың Нарита әуежайына Брюссельден жеткізілді. Агенттіктің хабарлауынша, Еуропалық одақта вакциналардың бір партиясы шамамен 400 мың дозадан тұрады.
Енді 17 ақпаннан бастап Жапонияда 20 мыңға жуық медицина қызметкеріне вакцина салына бастайды. Kyodo ақпараты бойынша вакцина алдымен жанама әсері болуы мүмкін зерттеуге қатысуға келісім берген медицина қызметкерлеріне ғана салынады. Вакцинация Токиодағы медициналық мекемелердің бірінде басталып, кейінірек бүкіл елге тарауы мүмкін.
Сонымен қатар наурызда бүкіл мемлекет бойынша 3,7 миллионға жуық медицина қызметкері вакцина алуы керек. Сәуірде 65 жастан асқан адамдарды (шамамен 36 миллион адам) вакцинациялау жоспарланып отыр. Ал ауыр сырқаты жоқ жастарды вакцинациялауға қатысты үкіметте бірыңғай пікір әлі қалыптаспады.
