![ШҚО тұрғыны 13 атыраулықтың ақшасын алдап алып, сан соқтырған](/media/2021/02/15/000-1-324x160.jpg)
Облыстық полиция департаменті баспасөз қызметінің мәліметінше, «Anti-fraud» жедел алдын алу іс-шарасы кезінде Шығыс Қазақстан облысының 26 жастағы тұрғыны ұсталған.
«Ол Атырау қаласының тұрғындарын азық-түлік жеткіземін деген сылтауымен «Яндекс такси» қосымшасы арқылы алдап, алаяқтық жолымен ақшасын иемденген. Қазір күдіктінің интернет-алаяқтықтың 13 эпизодына қатысы бар екені дәлелденді. Оған қатысты ҚР Қылмыстық Кодексінің 190-бабы, 2-бөлігімен сотқа дейінгі тергеу жүріп жатыр», деп хабарлады департаменттің баспасөз қызметінен.