Фото: Константин Шелков
Өңірлік коммуникациялар қызметінде Төтенше жағдайлар департаменті бастығы, азаматтық қорғау полковнигі Ернұр Өтегенов көктемгі тасқын кезеңіне дайындық туралы әңгімелеп берді.
- Өткен жылдардағы су тасқыны кезеңдерінің сараптамасы бойынша су жайылуы қаупі бар учаскелерде мониторинг шаралары жүргізілуде, - деді ол. - Су басуы ықтимал, төмендеу рельефті жерлерде орналасқан елді мекендер бақылауға алынды. Су басуы ықтимал жерлерде 972 тұрғын үй орналасқан, елді мекендердегі халық саны 3672 адамды құрайды, сонымен қатар, автомобиль жолдарының төрт учаскесі бар.
Оны болдырмас үшін облыс аумағындағы су өткізу құбырларының барлығы тазартылып, жабылды. Қар тазалау жұмыстары жүргізіледі: бүгінгі күнге дейін 432 006 мың текше метр қар шығарылды.
Осы және өзге де жұмыстар нәтижесінде тасқын сулар мен қар суларының елді мекендерді басу қаупін азайтуға мүмкін болды, сонымен қатар, автомобиль жолдары мен елді мекендерді су басу қаупі азайды.
