«Облыс көлемінде 156 гидротехникалық құрылыс нысандары орналасқан. Оның ішінде республикалық меншікте 41, жеке меншікте 9 нысан бар. «2017-2020 жылдарға арналған су тасқынының алдын алу және жою жөніндегі іс-шаралар кешені» Жол картасына сәйкес жүргізілген жұмыстар нәтижесінде 6 елдімекенде су басу қаупі төмендеді. Олардың қатарында Жамбыл ауданының Жасөркен, Қызылқайнар, Байзақ ауданының Сарыкемер, «Денсаулық» саяжайы, Талас ауданының Ақкөл және Үшарал ауылдары бар», деді Ералы Ақылбеков. Сонымен қатар, Тараз қаласындағы, Жамбыл және Байзақ аудандарындағы елдімекендерінде су басу қаупінің алдын алу үшін Талас өзенінде жағалауды нығайту жұмыстарын жүргізуге республикалық бюджеттен қаражат бөлінбеуіне байланысты орындалмаған. Оның жалпы ұзындығы 25,4 шақырымды құрайды. Сондай-ақ, жағалауды жөндеу жұмыстары «2021-2023 жылдарға арналған су тасқынының алдын алу және жою жөніндегі шаралар кешені» Жол картасына енгізілген.
