![Қостанай облысында 50-ге жуық инвестжоба жүзеге асырылады](/media/2021/02/18/9bc93f6a-b137-4b3c-ac13-b665b2a11cdf.jpeg)
Аймақ басшысы Архимед Мұхамбетовтің төрағалығымен өткен жиында 22 негізгі индикаторы бар сайлау бағдарламасын іске асыру жөніндегі «Жол картасы» мақұлданды.
«Бұл индикаторлар бойынша 136 іс-шара бекітілді. Олардың орындалу мерзімі бірнеше жылға созылады. Сонымен қатар, жауапты орындаушылар да анықталды. Алдағы 2021-2025 жылдары облыста 50-ге жуық инвестициялық жобаны іске асыру жоспарлануда. Аталмыш жобалар сәтті жүзеге асырылса, 6 мыңнан астам жаңа жұмыс орны ашылады. Мұның бәрі азаматтарымыздың әл-ауқатын жақсартуға мүмкіндік береді», деді облыс әкімі.