Аймақтар • 18 Ақпан, 2021

Атырау көшелерін қардан тазартып жатыр

154 рет көрсетілді

Атырауда соңғы он бес жылда қалың қар жаумаған еді. Ал кеше қалың қар жауып, мұнайлы шаһар көшелері ақ ұлпаға оранды, деп хабарлайды Egemen.kz

Атырау қалалық әкімдігі баспасөз қызметінің ақпаратына қарағанда, кешеден бері көшелерді қардан тазарту жүргізіліп жатыр.

«Кеше, 17 қаңтарда қаладан 472 текше метр қар шығарылды. Көшелерді тазарту түні бойы жалғасты. Қарды жинап, шығаруға 49 техника жұмылдырылды. Техниканы қалалық коммуналдық мекемелермен бірге, өзге де кәсіпорындар ұсынды. Сондай-ақ, көшелер мен тротуарларды тазалауға 90 адам тартылды. Қазір Азаттық, Әуезов, Сәтпаев, Абай, Құрманғазы, Владимирский көшелерінде қар жинау жалғасып жатыр. Қала маңындағы Алмалы, Атырау, Дамба және Тасқала кенттеріне жолдарды қардан тазалауға арналған техникалар жіберілді», деп хабарлады қалалық әкімдіктің баспасөз қызметі.

 

Соңғы жаңалықтар

Тамиланың тартуы

Өнер • Кеше

Мутацияланған вирус

Медицина • Кеше

Ұқсас жаңалықтар