Аймақтар • 22 Ақпан, 2021

Бір адамнан бес мылтық шықты

457 рет
көрсетілді
1 мин
оқу үшін

СҚО полицейлері «Қару» жедел-профилактикалық іс-шарасы аясында Қызылжар ауданының бір тұрғынынан «ИЖ» маркалы қарудың тұтас арсеналын тапты.

Бір адамнан бес мылтық шықты

Мал өсірумен айналысатын 40 жастағы тұрғында тіркелген екі «ИЖ» мылтығы болған. Бұлардан басқа тіркелмеген екі аңшы мылтығы және «ИЖ-56 «Белка» атты ойық ұңғылы мылтығы болған. Аталған факті Қылмыстық кодекстің 287-бабы бойынша Сотқа дейінгі тергеп-тексерулердің бірыңғай тізіліміне енгізілді. Полиция қажетті сараптамаларды тағайындап, тіркелмеген мылтықтардың қылмыстарға қатыстылығын анықтауды қолға алды.

Жалпы «Қару» операциясының 3 күні ішінде 3047 қару иесі тексерілді. 143 бұзушылық, оның ішінде 116-сы сақтау ережелерін бұзу, 27-сі қаруды тіркеу немесе қайта тіркеу, оларды есепке қою тәртібін бұзу анықталды. Заңсыз сақтаудан 13 қару алынды.