Тараптар Қазақстан мен Үндістан арасындағы екіжақты сауда-экономикалық ынтымақтастықтың түрлі мәселелері бойынша пікір алмасты, сондай-ақ Қазақстандағы елші мырзаның қызметі кезеңіндегі бірлескен жұмыстың нәтижелерін талқылады.
Келіссөздер барысында өткен жылдың қыркүйек айында Cауда-экономикалық ынтымақтастық жөніндегі бірлескен жұмыс тобының 7-отырысының сәтті өткізілуі атап өтілді, сондай-ақ сауда-экономикалық және ғылыми-техникалық ынтымақтастық жөніндегі Қазақстан-Үндістан Үкіметаралық комиссиясының 14-отырысына дайындық жұмыстары талқыланды. Қазақстан-Үндістан ынтымақтастығы тараптар өзара іс-қимылдың барлық бағыттары бойынша өзара тиімді байланыстар серпінін қолдау үшін барлық күш-жігерін жұмсауының нәтижесінде өрлемелі сызық бойынша дамуда.
Бұдан басқа Қазақстан мен Үндістан арасындағы 2020 жылғы тауар айналымының көлемі 2,4 млрд долларды құрады, бұл алдыңғы жылдың көрсеткішінен 27,3%-ға жоғары (1,9 млрд доллар). 2020 жылы Қазақстаннан Үндістанға экспорт 26,7%-ға өсіп, 2 млрд долларды құрады. Бұдан басқа Қазақстан мен Үндістан арасындағы сауда көлемін қолдау және ұлғайту үшін қазақстандық сарапшылар Қазақстаннан Үндістан нарығына шығарылуы мүмкін әлеуетті тауарлардың тізбесін дайындады. Бұл жалпы сомаға алпыстан астам өнім атауы 271,4 млн долларды кұрайды. Металлургия, тамақ, машина жасау, химия салаларының өнімдерін, сондай-ақ құрылыс тауарларын және т.б. жеткізуді ұлғайту мүмкіндігі бар.
Сондай-ақ «Қазақинвест» АҚ және үнді тарапымен бірлесіп өткізілген семинар талқыланды, оның тақырыбы Үндістанның Орталық Азия елдерімен экономикалық ынтымақтастықты ұлғайту мақсатында тез өтелетін жобаларға нысаналы гранттық кредиттер беруді ұсынды.
Кездесу соңында вице-министр елші мырзаның қызмет атқарған кезеңіндегі тиімді қызметі үшін алғысын білдіріп, оның түрлі салалардағы Қазақстан-Үндістан ынтымақтастығына қосқан үлесін жоғары бағалады және оған алдағы еңбек жолында табыс тіледі.
