Парламент • 23 Ақпан, 2021

Мәжіліс депутаттары Орталық Азиядағы көшбасшы әйелдер диалогының консультацияларына қатысты

7 рет көрсетілді

Бүгін Мәжілісте Біріккен Ұлттар Ұйымы Әйелдер жағдайы жөніндегі комиссиясының 65-ші сессиясына дайындалу мақсатында Орталық Азия елдерінің көшбасшы әйелдер диалогының консультациялары онлайн форматта өтті, деп хабарлайды Egemen.kz.

Іс-шараға Өзбекстан Республикасы Олий Мажлис Сенатының төрағасы, Орталық Азия елдері көшбасшылары әйелдер диалогының төрағасы Т.Нарбаева жетекшілік етіп, Түркменстаннан, Қырғызстаннан, Тәжікстаннан Парламент өкілдері қатысты.

Қазақстандық тараптан Мәжіліс Төрағасының орынбасары Б. Кесебаева және депутаттар А.Құспан мен Л. Рамазанова қатысты. Отырыс барысында қоғамдық өмірге толыққанды және тиімді қатысу және шешімдер қабылдау үшін гендерлік теңдік, әйел-көшбасшылар туралы бірқатар мәселелер көтеріліп, талқыланды.

Өз кезегінде вице-спикер Балаим Кесебаева әйелдердің жағдайы, олардың құқықтары мен мүмкіндіктерін іске асыруда теңдікке қол жеткізу мәселелері көптеген мемлекеттер, соның ішінде Орталық Азия елдері мен Қазақстан үшін өзекті болып қала беретініне назар аударып, Қазақстанның қалыптасу жылдарында бұл бағытта көптеген жұмыстар атқарылғанына тоқталды.

Сонымен қатар вице-спикер Тұңғыш Президент-Елбасы Нұрсұлтан Әбішұлы Назарбаевтың бастамасымен елде саяси, экономикалық, әлеуметтік және рухани жаңғырту бойынша кешенді шаралар және Ұлттық деңгейде 2030 жылға дейінгі отбасылық және гендерлік саясат тұжырымдамасы қабылданып, іске асырылып жатқанына назар аударды.

Сондай-ақ елімізде әйелдер саясат пен экономиканың барлық салаларында жұмыс істеп жатқанын айтып, олардың кәсіпкерлік бастамаларын дамыту үшін оқыту, жеке бизнесін ашуға жәрдемдесу бойынша арнайы шаралар қабылданғанын тілге тиек етті.

«Мемлекет басшысының тапсырмаларына сәйкес әйелдер мен балалардың құқықтарын жан-жақты қолдауға және қорғауға бағытталған қолданыстағы заңнама нормалары жетілдірілуде», деді Б.Кесебаева. 

Осыған сәйкес, биылғы жылдың басынан бастап кәмелетке толмағандарға қатысты зорлық-зомбылық сипаттағы қылмыс жасағандардың жазасы қатаңдатылды.

Пікір-талас барысында Б.Кесебаева жаһандық дағдарыстан кезең-кезеңімен шығу ұсынымдарын әзірлеуге бағытталуы тиіс дағдарысқа қарсы орталық құруды және әйелдер мен балалардың құқықтарын қорғаудың іске асырылып жатқан мемлекеттік шаралары бойынша елдер арасындағы озық тәжірибені жедел алмасудың бірыңғай банкісін құруды, әйелдердің меншіктің барлық нысандарына, қаржылық қызметтерге иелік етуге және бақылауға қол жеткізуін ұлғайтуға қатысты және халық арасында гендерлік теңдік туралы ақпаратты арттыру сияқты біршама мәселелерді ұсынды.

Қатысушылар отырыста Орталық Азия көшбасшылары әйелдерінің диалогының 2021 жылға арналған іс-қимыл жоспарының  жобасын талқылады. Осы ретте вице-спикер Қазақстан Алматы қаласындағы халықаралық ұйымдар ғимараты базасында гендерлік теңдік және әйелдердің құқықтары мен мүмкіндіктерін кеңейту саласындағы өңірлік білім орталығын құруды бірнеше көтергенін атап өтті.

«Сондай-ақ, 2021 жылы біздің бірлескен күш-жігерімізді экономикалық мүмкіндіктерді кеңейту және ауылдық жерлердегі әйелдерді қолдау мәселелерін талқылауға бағыттаған жөн деп санаймын. Жер-жерлерде локдаун кезеңінде шалғайдағы ауылдық өңірлердегі әйелдер, әдетте, қаржылық және басқа ресурстарға, оның ішінде инфрақұрылым мен технологияларға қол жеткізе алмады. Бұл тұрғыда біздің өңірдегі ауылдық жерлердегі әйелдердің жағдайы Орталық Азия елдерінің көпшілігіне тән және күн тәртібіндегі өзекті мәселе», деді Б. Кесебаева.

Соңғы жаңалықтар

Салаға дем берген жан

Экономика • Бүгін, 10:01

Алматыда жер сілкінді

Аймақтар • Бүгін, 09:23

Татьянаның тәтті жымиысы

Руханият • Бүгін, 08:39

Аспандағы Ардана

Қоғам • Бүгін, 08:39

Суперкубок кімге бұйырады?

Спорт • Бүгін, 08:35

Сөз сойыл №101

Қоғам • Бүгін, 08:23

Қағидаты – қарапайымдылық

Қоғам • Бүгін, 08:17

Нәзік те ержүрек арулар

Қоғам • Бүгін, 08:16

«Алтын алқалы» Айым

Аймақтар • Бүгін, 08:14

Өлеңдер топтамасы

Руханият • Бүгін, 08:09

Жұрт іздеген Жібек

Аймақтар • Бүгін, 08:06

Үміт шоғын маздатқан

Қоғам • Бүгін, 08:05

Биіктен қарайтын бибі

Қоғам • Бүгін, 08:04

Мейірім

Руханият • Бүгін, 08:02

Білікті басшы, білімді маман

Аймақтар • Бүгін, 08:01

Тағылымы терең кәсіп иесі

Руханият • Бүгін, 07:54

Ғылым әлемін әрлегендер

Руханият • Бүгін, 07:51

Рухани тәуелсіздік бастауы

Руханият • Бүгін, 07:46

Бақытын «Баян сұлудан» тапқан

Аймақтар • Бүгін, 07:44

Полковник ханым

Руханият • Бүгін, 07:41

Әлихан және Алаш аңсары

Руханият • Бүгін, 07:38

Теріскейдің Самалы

Руханият • Кеше

Ұқсас жаңалықтар