Қазақстан • 25 Ақпан, 2021

Қазақстан елшісі Орталық Азия халықаралық институтының директорымен кездесті

46 рет
көрсетілді
1 мин
оқу үшін

Қазақстан елшісі Дархан Сатыбалды Орталық Азия халықаралық институтының (ОАХИ) директоры Анвар Насировпен кездесті, деп хабарлайды Egemen.kz

Қазақстан елшісі Орталық Азия халықаралық институтының директорымен кездесті

ОАХИ директоры елшіні Өзбекстан Республикасының Президенті Шавкат Мирзиёевтің бастамасымен құрылған мекеменің мақсаттары мен қызметінің негізгі бағыттары туралы хабардар етті.

Кездесу барысында тараптар соңғы жылдары стратегиялық әріптестіктің сапалы жаңа деңгейіне шыққан Қазақстан-Өзбекстан екіжақты қарым-қатынастары дамуының оң динамикасын атап өтті. Екі елдің арасындағы бауырластық қарым-қатынастар айтарлықтай әлеуетке ие және барлық салаларда одан әрі жандандыруды қажет ететіндігі атап өтілді.

Осы тұрғыда екіжақты жоспарлы байланыстарды кеңейту бойынша ұсыныстарды бірлесіп әзірлеу мақсатында ғылыми-зерттеу мекемелері мен екі елдің сарапшылар қоғамдастығы арасында өзара іс-қимыл орнатудың маңыздылығы айтылды.