25 ақпанда Шет ауданында жедел жәрдем көлігінің қар құрсауында қалып қойғаны туралы хабарлама келіп түсті. Оқиға орнына құтқарушылар шықты.
«Қызылқой ауылына қарасты «Алматы-Екатеринбург» тасжолында қар құрсауында тұрып қалған жедел жәрдем көлігі мен жеңіл автокөліктен 9 адам құтқарылды. Қарағанды облысының ТЖД және Апаттар медицинасы орталығының күшімен құтқарылған адамдар, оның ішінде екі науқас: инфаркті бар ер адам және жүкті әйел Қарағанды қаласына жол талғамайтын көлікпен жеткізілді», деп мәлімдеді Қарағанды облыстық ТЖД баспасөз қызметінде.
