Қазақстан Біріккен Ұлттар Ұйымының мақсаттары мен міндеттерін ұстанады, сондай-ақ Антонио Гутерриштің БҰҰ-ның Бас хатшысы лауазымына сайлануын құптайды деп атап өтті сенатор.
Жүздесушілер Біріккен Ұлттар Ұйымының Орнықты даму мақсаттарының тұсаукесеріне дайындық мәселелерін талқылады. Іс-шара 22 қарашада Сенатта өтеді. Депутат кең ауқымды елдік бағдарламаны іске асыруға парламентшілердің назарын аударуда бұл шараның өзекті екенін атап өтті.
Д.Назарбаева Н.Шимомураны «100 нақты қадам» Ұлт жоспарының негізгі аспектілері туралы хабардар етті және осы бағдарламаның табысты жүзеге асырылуы Біріккен Ұлттар Ұйымының Орнықты даму мақсаттарына қол жеткізу үшін ұлттық ресурстарды жұмылдыруға ықпал ететініне сенім білдірді, деп хабарлады Қазақстан Республикасы Парламенті Сенатының баспасөз қызметі.