«Ashyq» қосымшасының артықшылығын пайдаланған алғашқы кәсіпкерлердің қатарында Достық даңғылы бойындағы «Қазақстан» спорт кешенінің директоры Айдана Сатова бар. Кәсіпкер өз нысаны үшін QR-кодты ақпан айының ортасында алды. Спорт кешенінің директоры атап өткендей, олардың 5 мың тұрақты клиенттері бар және олардың екеуі ғана қосымшаға күмәнмен қарады.
- Біз өз клиенттерімізбен сөйлесеміз, олардың денсаулығы біз үшін, ең маңызды. Көптеген адамдар сіз бассейнге келушілерді қалай басқарасыз деп өздері сұрайды. Шынында да, біз жүзгіштерді белгілі бір жерде ұстай алмаймыз, ал «Ashyq» қосымшасының арқасында кешен қызметкерлері мен келушілердің өзі қауіпсіздік үшін тыныш бола алады, - дейді Айдана Ернұрқызы.
Кәсіпкердің айтуынша, ақпаратты халыққа дұрыс жеткізе білу өте маңызды.
- Мен фитнес операторлары қауымдастығының өкілдерімен сөйлестім, көпшілігі қосымшаның тұжырымдамасын түсініп, оның артықшылықтарын бағалады. Осының арқасында олар өз клиенттеріне оны пайдалану қажеттілігі туралы тыныш сөйлесе алады. Біз клиенттерді қосымшаны жүктеуге мәжбүрлемейміз. Көбісі мұны өз еркімен жасады, қалғандары келіп, өздерінің ЖСН - ін кешенің әкімшсіне айтады, ол бойынша статусы жүзеге асырылады, - дейді Айдана Сатова.
Бұл ретте клиенттер өздерінің дербес деректері үшін алаңсыз бола алады. Олардың ЖСН ешқайда берілмейді, тек келушінің статусын тексеру үшін қажет.
Алматының Бас санитариялық дәрігері Жандарбек Бекшин қосымшаның жұмыс істейтініне өзі көз жеткізді. Ол тексеруге бірнеше секунд уақыт кететінін атап өтті. Смартфонды QR-кодқа жүктелген қосымшамен алып, сканерлеу және кіру жеткілікті.
- Экранда статустың күйлері көрсетіледі (көк, жасыл, қызыл немесе сары). Шығу кезінде- шығуды бекіту үшін QR кодын сканерлеу керек. Сонымен қатар, бұл қосымша мекеменің жұмыс режимін бақылау үшін ыңғайлы. Қосымша мекемедегі бір мезгілде келушілердің санын және оның жұмыс сағаттарын талдауға (иесіздендіруге) мүмкіндік береді. Осылайша, мониторингтік тексерулер жүргізу қажеттілігі азаяды, - дейді Жандарбек Мұхтарұлы.
Естеріңізге сала кетейік, «Ashyq» пилоттық жобасы Алматы, Нұр-сұлтан және Қарағанды қалаларында жүзеге асырылуда. Әзірлеушілердің айтуынша, қосымшаны 15 648 адам жүктеген.
Республика бойынша объектілерге 99 QR-код берілді. Оның 27-сі Алматыда.
