Парламент • 02 Наурыз, 2021

Мәжіліс Төрағасы Қырғыз Президентімен кездесті

13 рет көрсетілді

Бүгін Мәжілісте Палата төрағасы Нұрлан Нығматулин Қазақстанға алғаш рет мемлекеттік сапармен келген Қырғыз Республикасының Президенті Садыр Жапаровпен кездесті, деп хабарлайды Egemen.kz

Нұрлан Нығматулин, ең алдымен, Садыр Жапаровты Қырғыз Республикасының Президенті болуымен құттықтап, Қырғыз елінің дамуы мен өркендеуіне бағытталған саяси жүйені реформалауға қатысты алда тұрған маңызды міндеттерін табысты орындау үшін сәттілік тіледі.

Сонымен қатар Мәжіліс Төрағасы Қырғыз Президентінің мемлекеттік сапары Қазақстан мен Қырғызстан елдері Тәуелсіздігінің 30 жылдығында өтіп жатқанына баса назар аударды. Нұрлан Нығматулин басты мақсат – тарихи байланысты сақтап, одан әрі нығайту екенін жеткізді. Сондай-ақ, барлық бағытта, соның ішінде парламенттік ынтымақтастық арқылы бауырлас екі елдің достығын одан әрі тереңдету үшін тиісті жұмыстарды жалғастыратынын атап өтті.

Кездесуде қос мемлекет арасында саяси келіспеушіліктер жоқ екенін және екіжақты қарым-қатынастар жүйелі дамып келе жатқанын алға тартқан Палата спикері бұның бәрі Елбасы Нұрсұлтан Әбішұлы Назарбаевтың еңбегі екенін және Қазақстан Республикасының Тұңғыш Президенті әрдайым Қырғызстанмен өзара іс-қимылдың ерекше маңызын атап көрсететініне тоқталды.

Сонымен бірге Мемлекет басшысы Қасым-Жомарт Кемелұлы Тоқаев Қырғызстанмен ынтымақтастыққа үлкен мән беретінін айтқан Мәжіліс төрағасы Қазақстан мен Қырғызстанның қарым-қатынасы жаңа дейгейге көтерілетініне назар аударды. Кездесу барысында Нұрлан Нығматулин мәртебелі мейманға VII шақырылымдағы Парламент Мәжілісінің қызметімен таныстырып, парламентаралық ынтымақтастықты нығайту мен кеңейтудің маңызы туралы айтып, қалыптасқан дәстүрлі әріптестік қарым-қатынасты жалғастыратынына тоқталды. Өз кезегінде мәртебелі мейман біздің еліміздің жаңа Парламенттік құрамының жұмысына сәттілік тіледі.

Сондай-ақ Қазақстанның Тұңғыш Президенті Нұрсұлтан Әбішұлы Назарбаевтың екі ел арасындағы ынтымақтастықты нығайту жолындағы тарихи рөлін жоғары бағалайтынын және өзара туыстық және достық құндылықтарды одан әрі өркендетуге үлес қосатынын айтты.

Соңғы жаңалықтар

Алдағы үш тәулікте күн суытады

Ауа райы • Бүгін, 11:55

Facebook атауын өзгертеді

Әлем • Бүгін, 10:15

2228 адам коронавирустан емделіп шықты

Коронавирус • Бүгін, 09:30

Спорт жаңалықтарына шолу

Спорт • Бүгін, 09:11

Қалаларды қалың тұман басып тұр

Аймақтар • Бүгін, 09:07

Ясауи мұрасы – ұрпаққа өнеге

Аймақтар • Бүгін, 09:05

Симфониялар салтанаты

Өнер • Бүгін, 09:04

Қаламгерлер қауышуы

Руханият • Бүгін, 08:59

Бас жүлде екеу болды

Театр • Бүгін, 08:51

Жел электр стансасы салынуда

Аймақтар • Бүгін, 08:48

«Батагөй» байқауы өтті

Аймақтар • Бүгін, 08:46

Жаңа спорт кешені ашылды

Аймақтар • Бүгін, 08:45

Кеңеске мүшелікке сайланды

Саясат • Бүгін, 08:15

Өркениет өзегі – Ұлық ұлыс

Тарих • Бүгін, 00:35

Шыңғыстаудың Шәкірі

Әдебиет • Кеше

Жаны ізгі журналист

Егемен Қазақстан • Кеше

Ұқсас жаңалықтар