Махамбет атындағы академиялық қазақ драма театрының директоры Берік Жәменовтің айтуына қарағанда, 26 наурызда балаларға сахналық қойылымдар ұсынатын жаңа өнер ұжымының таныстырылымы өтеді. Қуыршақ театрының ашылуына орай атыраулық әртістер Бекет Зинуллиннің сценарийі бойынша «Ата мектебі» ертегісін дайындап жатыр.
«Елімізде балалар драматургиясы кенжелеп қалған. Сол себептен, өзіміз сценарий жазуға тура келеді. Бұл жолы балаларға арнап ертек жазған таланты актер Бекет Зинуллиннің шығармашылығына жол ашылғалы отыр» дейді театр директоры Берік Жәменов.
