Аталған қаулыға сәйкес, бұқаралық іс-шараларды, отбасылық, еске алу іс-шараларын қосқанда, оның ішінде үйде (банкеттер, үйлену тойлары, мерейтойлар, еске алу және тағы басқалары), сондай-ақ мерекелік корпоративтерді ұйымдастыру және атқаруға, митингілер, шерулер, жиындар және тағы басқаларын өткізуге және қатысуға тыйым салынады.
Қызметі жаңартылмаған нысандарға: боулинг-орталықтарға, компьютерлік клубтарға («Ashyq» пилоттық жобасына қатысатын нысандарды қоспағанда), бильярд, караоке, батуттар, түнгі клубтар, букмекерлік кеңселер мен ойын клубтарына, оның ішінде жабық үй-жайлардағы лотереялар, ойын алаңдары мен аттракциондар, сонымен қатар спорт нысандарында орналасқандарды қоспағанда, мұз және роликті мұз айдындарына баруға тыйым күшінде қалады.
«Ashyq» пилоттық жобасына қатысатын кәсіпкерлік нысандарына кіру үшін App Store және Play Market-тен «Ashyq» мобильді қосымшасын жүктеп пайдалану қажет.
Қоғамдық орындарға, оның ішінде қалалық қоғамдық көлікке, қызметіне рұқсат етілген нысандарға барған кезде, сондай-ақ қоғамдық орындарда ашық ауада болған кезде (ашық ауада спортпен шұғылдану кезінде және 5 жасқа дейінгі балаларды қоспағанда) бетперде кию, қашықтықты сақтау және антисептиктерді пайдалану жөніндегі талаптарды қатаң сақтау керек.
