Аймақтар • 11 Наурыз, 2021

Алматыдағы паркингте екі автокөлік жанып кетті

57 рет көрсетілді

Алматы қаласында тұрғын үй паркингінде екі автокөлік жанып кетті, деп хабарлайды Egemen.kz

Видео әлеуметтік желіге тараған. Оқиға 11 наурыз сағат 6:30-да Брусиловский көшесіндегі «Алтын бұлақ» тұрғын үй кешеніндегі паркингте болған.

«Өрттің қайдан шығып жатқанын өрт сөндірушілері телевизор арқылы тапты. Екі көліктің жанып жатқаны және жанындағы басқа автокөліктерге де қауіп төніп тұрғаны анықталған», дейді ТЖД мамандары.

Өрт сөндірушілердің айтуынша, жер асты паркингінде газ-түтіннен қорғау бөлімінің екі жасағы жұмыс істеген. Сағат 07:09-да 6 шаршы метр аумақты шарпыған қызыл жалын ауыздықталды.

«Қасында тұрған автокөліктер өрттен аман. Өрт болған жерге 5 техника мен жеке құрамнан 18 адам жұмылдырылды. Зардап шеккендер жоқ», деді департамент мамандары.

Алматы ТЖД өрттің автокөлікті 2-3 минутта күлге айналдыратынын айтады. Сол себепті автокөліктерді арнайы техникалық қарау орталықтарында ғана электрқұрылғымен жабдықтау керектігін айтады. Сондай-ақ көлікте өрт сөндіру баллонының болуы шарт.

Соңғы жаңалықтар

Ақпараттық хабарлама

Егемен Қазақстан • Кеше

Доллар тағы да арзандады

Экономика • Кеше

Ұқсас жаңалықтар