Оқиға орнында Өрт сөндіру 11-бөлімінің (1,2) қызметкерлері, Республикалық жедел-құтқару отрядынан 9 адам, 1 техника, 1 кинологиялық қызметкер, сонымен қатар Алматының құтқару қызметінен 5 адам мен 1 техника жұмылдырылған.
Бұдан бөлек, оқиға орнында Ұшудың іздеу-апаттық қамтамасыз ету қызметінің 4 техникасы мен Алматы облысы Өрт сөндіру және құтқару қызметінің 2 техникасы бар.
Ұшақта шыққан өрт ауыздықталды. Сондай-ақ ол жерде Алматы қалалық қоғамдық денсаулық сақтау департаментінің жедел-құтқару жасағының 10 тобы жұмыс істеп жатыр. Расталған мәлімет бойынша, әскери ұшақ апатынан 4 адам қаза тауып, 2 адам Іле ауданындағы ауруханаға жеткізілді.
