Әлем • 17 Наурыз, 2021

Енді Вьетнам вакцина салдырған туристерді ғана қабылдайды

16 рет көрсетілді

Карантиндік шектеулерге байланысты Вьетнам экономикасы туризмге мамандандырылған компаниялардың 95 пайызын жоғалтты, деп хабарлайды Egemen.kz

Оңтүстік-Шығыс Азияның басқа елдері секілді Вьетнам да коронавирусқа қарсы егілген туристер мен ПТР-тесті теріс туристерді қабылдау процедурасы туралы ойланып жатыр. Егер Үкімет мақұлдаса, онда бұл ереже 2021 жылдың үшінші тоқсанында басталуы мүмкін.

Вьетнам туристік қауымдастығының төрағасы Нгуен Хуу Тхо (Nguyễn huu Th th) айтуынша, ел шілдеден бастап шетелдік саяхатшылардың келуіне дайындалуы керек.

Шекарадан өтуді жеңілдетуді қалайтындар вакцинация паспортын тіркеуді жақын арада бастаған дұрыс дейді, өйткені бірқатар елде вакцинацияланған азаматтар көбейіп жатыр.

Елдің Денсаулық сақтау министрлігі вакцина алған адамдар үшін де 14 күндік карантин қажет деп есептейді. Бірақ туристік бизнес пен туристік ұйымдар мұндай шешімге наразылық білдіруде, өйткені бұл туризмді шектеп отыр.

Сондай-ақ Вьетнамда Қытай, Сингапур, Оңтүстік Корея және Таиланд сияқты аздаған елден вакцинацияланған туристер үшін жасыл дәліздерді ашу мүмкіндігін талқыланып жатыр.

 

Соңғы жаңалықтар

Асыл ағаның шарапаты

Руханият • Бүгін, 00:08

Құймақұлақ

Руханият • Кеше

Газ бағасы неге қымбат?

Аймақтар • Кеше

Ұқсас жаңалықтар