Қоғам • 19 Наурыз, 2021

Алматыда белгілі жазушы Герольд Бельгерге ескерткіш қойылды

97 рет көрсетілді

Алматыда белгілі жазушы, көрнекті қоғам қайраткері, жазушы, аудармашы Герольд Бельгер ескерткішінің салтанатты ашылу рәсімі өтті, деп хабарлайды Egemen.kz Мәдениет және спорт министрлігінің баспасөз қызметіне сілтеме жасап.

Ескерткіштің салтанатты ашылу рәсіміне Мемлекеттік хатшы Қырымбек Көшербаев, Мәдениет және спорт министрі Ақтоты Райымқұлова мен Алматы қаласының әкімі Бақытжан Сағынтаев қатысты.

Салтанатты жиын барысында Мемлекеттік хатшы Президент Қасым-Жомарт Тоқаевтың халық жазушысы ескерткішінің ашылуына байланысты арнайы хатын  оқып берді.

«Халқымыз «Гераға» деп құрмет тұтқан Герольд Карлович саналы ғұмырында ұлтымыздың әдебиеті мен мәдениетін өркендетуге, қазақ тілінің қарыштап дамуына айрықша үлес қосты. Бала шақтан дала демократиясын бойына сіңіріп өскен қарымды қаламгер ұлт руханиятындағы өткір де өзекті мәселелерді де әрдайым бүкпесіз айтып, қоғамда талқылап, оларды шешу жолдарын ұсынып отырды. Ең бастысы, жазушы Герольд Бельгер өзінің өмірі мен өнері арқылы бірлігі жарасқан  біртұтас Қазақстан халқын қалыптастыру ісіне қалтқысыз қызмет етті», делінген Мемлекет басшысының арнайы хатында.

Өз кезегінде Мемлекеттік хатшы қазақ ауылында шынайы достық пен жан жылуы ортасында тәрбиеленген «Гераға» қазақ халқының тіліне, діліне, мәдениеті мен өнеріне деген шынайы қамқорлығы мен құрметін өмірінің соңына дейін сақтағанын атап өтті.

«Оның шығармашылығы өскелең ұрпақты рухани нәрлендіретін өмірлік даналықтың қазынасына айналды. Бүгін біз тәуелсіз Қазақстанның рухани жаңғыруының игілігіне арнаған қажырлы еңбегі мен асыл жүрегі үшін халқымыздың көрнекті ұлына құрмет көрсетеміз», деді Мемлекеттік хатшы.

Қырымбек Көшербаев ескерткішті әзірлеу және ашу жұмыстарын жүргізгені үшін мүсінші Нұрлан Дамбайға, меценат Нұрлан Смағұловқа және басқа да осы игі іске атсалысқан азаматтарға алғыс білдірді. Сонымен қатар салтанатты рәсімге  Асылы Осман, Ахметжан Ашири, Рубен Андриасян, Юрий Аравин, Ермек Тұрсынов және өзге де мәдениет және өнер қайраткерлері қатысты.

Мемлекеттік хатшы жұмыс сапары барысында Ұлттық Ғылым академиясында болып, Білім және ғылым министрлігі өкілдерімен бірге ғылымды дамыту мәселесі бойынша кеңес өткізді. Жиыннан кейін Қырымбек Көшербаев Мәдениет және спорт министрлігі, «Қазақфильм» акционерлік қоғамы және Ұлттық киноны қолдау орталығының басшылығымен тарихи фильмдерді түсіру жобаларын талқылады.

Соңғы жаңалықтар

Сегізсай жауһарлары

Тарих • Бүгін, 09:58

Көз тартар көркем әлем

Өнер • Бүгін, 09:57

Жеке деректер желіге тарап кетті

Технология • Бүгін, 09:54

Жанашырлық жасау жолдары қарастырылды

Тәуелсіздіктің 30 жылдығы • Бүгін, 09:53

Орманды ойсыратып алмайық

Экология • Бүгін, 09:51

Жасыл белдеу жайқала түседі

Экология • Бүгін, 09:48

Ерінбегеннің табысы еселенеді

Аймақтар • Бүгін, 09:38

Бауырым бауырымнан қымбат емес

Коронавирус • Бүгін, 09:36

Індеттен сақтанудың ұтымды жолы

Коронавирус • Бүгін, 09:34

Жансақтау бөлімінде орын жоқ

Коронавирус • Бүгін, 09:28

Досын құтқарған жас өрен

Қоғам • Бүгін, 09:26

Коронавирус: 2625 адам жазылып шықты

Коронавирус • Бүгін, 09:18

Жаңғыртуларға негіз қалайды

Саясат • Бүгін, 09:16

Белсенділік жоғары болды

Саясат • Бүгін, 09:14

Бәсекелестік бәсі басым

Саясат • Бүгін, 09:10

Тағы 6797 адам коронавирус жұқтырды

Коронавирус • Бүгін, 09:02

Ауыл тіршілігі жанданады

Саясат • Бүгін, 08:35

Ауқымды жобаның бастауы

Саясат • Бүгін, 08:28

Алтын сатып алу азаймайды

Қазақстан • Кеше

Батыр Баян

Руханият • Кеше

Kazsat-тан неге бас тарттық?

Технология • Кеше

Адам құны

Әдебиет • Кеше

Ұқсас жаңалықтар