Туризм • 20 Наурыз, 2021

Туризмді дамыту үшін өзара ынтымақтастық туралы келісімдер жасалды

32 рет көрсетілді

Мәдениет және спорт министрлігінің «Әзірет Сұлтан» мемлекеттік тарихи-мәдени қорық-музейі» РМҚК директоры Нұрболат Ахметжанов  «Халықаралық туризм және меймандостық университеті» КЕАҚ Басқарма Төрағасы – Ректор Майнюра Мурзамадиева және Түркістан қаласы әкімдігінің «Бизнесті қолдау және туризм бөлімі» мемлекеттік мекемесінің «Туристерге қызмет көрсету орталығы» КММ директоры Е.Төлебаевпен өзара ынтымақтастық туралы меморандумға қол қойды, деп хабарлайды Egemen.kz «Әзірет Сұлтан» мемлекеттік тарихи-мәдени қорық-музейінің баспасөз қызметіне сілтеме жасап.

Меморандумның мақсаты  - туризмді дамыту және келіссөздер жүргізу салаларындағы іс-әрекеттерді үйлестіру, өзара түсіністік негізде өз құзіреті шегінде туризм саласында ұзақ мерзімді және жан-жақты қарым-қатынасты дамыту,  сондай-ақ, ішкі туризмді үйлестіруге, туристік имиджді қалыптастыруға бірлесе атсалысу. 

Екіжақты келісімдер барысында туристік өнімдердің және көрсетілетін қызметтердің сапасын жақсартуға, инвестиция тартуға, туризм саласындағы мамандардың біліктіліктерін арттыруға, тұрақты туризмді дамытуға бағытталған өңірлер мен республикада және шетелдердегі туристік іс-шараларға қатысып, үйлесімділікте жұмыс жасау мәселесі сөз болды. 

Туризм саласындағы жас мамандарды даярлау, туристік әлеуетті арттыру және келушілерге тиісті қызмет көрсетуді көздеген жоба мекемелер арасында ортақ мүдде қалыптастырып, мәдени және әлеуметтік дамуды нығайтуға ықпал ете отырып, бәсекеге қабілетті туристік саланы құратындығы күтілуде.

 

Соңғы жаңалықтар

Шыңғыстаудың Шәкірі

Әдебиет • Кеше

Жаны ізгі журналист

Егемен Қазақстан • Кеше

Ұқсас жаңалықтар