Аймақтар • 22 Наурыз, 2021

Алматыда індеттің өршуіне байланысты күніне 8 мыңдай ПТР тест жасау көзделіп отыр

115 рет көрсетілді

Алматыда эпидемиялық жағдайдың ушығуына байланысты ПТР зертханалардың қуаттылығын арттыру көзделіп отыр.

Алматы қаласы әкімінің орынбасары Ержан Бабақұмаров қаланың Бас мемлекеттік санитар дәрігері, Санитарлық-эпидемиологиялық бақылау департаментінің басшысы Жандарбек Бекшинмен бірге ПТР-зерттеулер жүргізілетін зертханалардың басшыларымен онлайн кеңес өткізді.

Кеңес барысында қала тұрғындарының коронавирустық инфекцияға ПТР-диагностикасын жүргізу мәселелері қаралып, қолда бар резервтер мен зерттеулер ауқымын ұлғайту дайындығы туралы ақпарат тыңдалды.

Бұған дейін қала тұрғындарының ПТР-тестерге деген сұранысы 4 мыңды құраса, эпидемиялық жағдайдың ушығуын ескере отырып, жүргізілетін зерттеулердің тәуліктік көлемі 8 мыңға дейін көбейгені атап өтілді.

Ержан Бабақұмаров қала зертханаларының алдында таяу күндері ПТР-тестілеуді өткізудің жалпы қуатын тәулігіне ағымдағы 14,2 мыңнан 25 мыңға дейін арттыруға дайындығын қамтамасыз ету бойынша іс-шараларды жұмылдыру және қабылдау міндеті тұрғанын атап өтті. Ол үшін зертханалық топтардың санын арттыру, сондай-ақ екі ауысымды режимді енгізу арқылы үздіксіз жұмысты құру тапсырмалары берілді. Сондай-ақ, қалада эпидемиялық жағдайдың ушығуы және қала аумағында COVID-19 жаңа штаммының таралуы жалғасқан жағдайда, жүргізіліп жатқан зерттеулер көлемін одан әрі 35 мыңға дейін арттыру мүмкіндігін қарастыру тапсырылды.

Өз кезегінде, қаланың Бас мемлекеттік санитар дәрігері Ж. Бекшин зертхана басшылығының назарын жинау пункттерінде дезинфекциялық режимді қатаң сақтауды қамтамасыз ету қажеттігіне аударды.

Жалпы, бүгінгі таңда қала аумағында орналасқан зертханаларда 1,1 млн тест жүргізілген, оның ішінде 30 мыңы оң нәтиже көрсеткен.

Соңғы тәулікте мегаполисте КВИ жұқтырудың 410 жағдайы тіркелді. Алматы әкімдігі қала тұрғындары мен қонақтарын карантин шараларының - әлеуметтік қашықтықтың, бетперде режимінің сақталуын күшейтуге, сондай-ақ адамдар көп жиналатын орындарға, әсіресе, созылмалы аурулардан зардап шегетін және 65 жастан асқан тәуекел тобындағы адамдарға барудан бас тартуға шақырады.

COVID-19-ға зерттеуді жүзеге асыратын ПТР зертханалардың тізімі:

1. Алматы қаласы бойынша «Ұлттық сараптама орталығы» ШЖҚ РМК филиалы, Медеу ауданы Жібек Жолы көшесі, 3; ([email protected]), тел. 3823565;
2. «КДЛ ОЛИМП» ЖШС, Алмалы ауданы, Төле би көшесі, 83, [email protected];
3. Алматы қ. «INVITRO» - Қонаев к-сі, 32  [email protected], тел. 2585888;
4. «Alatau Clinic» ЖШС - Талды Арал к-сі, 2; alatau [email protected], тел. 3391726;
5. «El Lab PCR» ЖШС - Қарғалы ықш., Кенесары хан көшесі, 61А, [email protected], тел. 3646464;
6. «Аква Лаб» ЖШС - Сейфуллин көшесі, 287, эл.пошта [email protected], тел. 3467676;
7. «Приват клиник Алматы» ЖШС - Мирас көшесі, 45, [email protected], тел. 87017837937;
8. «Гамма Лаб» ЖШС - Ходжанов к-сі, 55А , [email protected], тел. 3131737;
9. «Innosol» ЖШС - Қазыбек би к-сі, 96; эл.пошта [email protected];
10. Алатау ауданы ҚБЖАА ПТР бөлімі, Теректі ш.а, Ташкент тракті, 541, эл.пошта [email protected];
11. «Нур-лаб-2030» ЖШС - Беспақов көшесі, 60 Б, эл.пошта [email protected], тел. 87076950244;
12. «Медицина 100+» - Әшімов к-сі, 1К, эл.пошта [email protected], 8707663387;
13. М. Айқымбаев атындағы АҚИҰҒО - Түрксіб ауданы, Қапал көшесі, 14; эл.пошта [email protected] , тел. 2233821;
14. «КасМед» ЖШС - Байқадамов к-сі, 5, эл.пошта [email protected], тел. 3440303;
15. Medical Partners Korea Qazaqstan - “Нурлытау” БО, [email protected], тел. 3554100;
16. «Биотехнология ұлттық орталығы» ЖШС, Түрксіб ауданы Қапал көшесі, 14;
17. Иммунотест” ЖШС - Ғабдуллин к-сі, 24, эл.пошта [email protected] , тел. 2922289;
18. SMLAB ЖШС - Шагабутдинов к-сі, 169, эл.пошта [email protected];
19. МИПО емханасы ЖШС - Торайғыров к-сі, 49/1, [email protected], тел. 3397002.

Соңғы жаңалықтар

6 өңір «жасыл» аймақта тұр

Коронавирус • Кеше

Депутатты пышақтап кетті

Әлем • 15 Қазан, 2021

Шетелдік вакциналар ақылы болады

Коронавирус • 15 Қазан, 2021

Қазақстанда ревакцинация қалай өтеді?

Коронавирус • 15 Қазан, 2021

Ұқсас жаңалықтар