Жуырда жаңа жұпқа өздерінің біліктілігін сынаудың алғашқы сәті түсті. Бір үйде есірткі сақталады деген жедел ақпаратты тексеру кезінде Әлібек Амигоны ауланы тексеруге пайдаланды. Ит 100 граммнан астам марихуана оралған пакеттің сақталған орнын тауып берді. Сөйтіп алғашқы қадам сәтті болды.
Жыл басынан бері Солтүстік Қазақстан облысының полицейлері есірткі іздеу үшін 15 рет қызметтік-іздестіру иттерін пайдаланды. Оның бесеуі оң нәтиже берді. Иіс арқылы алынған есірткінің жалпы салмағы 15 келіден асты.
