Мысалы, әпкесімен бірге тұрып келген 46 жастағы қала тұрғыны екі апта бойы үйге келмеген. Інісін ұзақ күткен әйел полицияға жүгініп, оның жоғалғанын айтады. Іздестіру жұмыстары нәтижесінде жоғалған ер адам ащы суға құмартқандардың арасында отырған жерінен табылды. «Осыған ұқсас жағдайлар жиі кездеседі. Бұған себеп – алкоголь. Кейде отбасындағы жанжалдың да себеп болуы мүмкін. Жоғалғандар жақындарына тіс жармай, белгісіз бағытта кетіп қалады. Ал туыстары болса - сары уайымға салынып, іздей бастайды. Жалпы, облыс тұрғындары жыл басынан бері жақындарын іздеп тәртіп сақшыларына 91 рет жүгінді. Олардың 86-сы кезекші тәулікте табылды. Ал қалған жағдайларда іздестіру арқылы», дейді Петропавл қаласы ПБ криминалдық полиция бөлімінің бастығы полиция подполковнигі Дархан Зияфеддин.
