Теннис • 29 Наурыз, 2021

Рыбакина мен Бублик – үшінші айналымда

156 рет
көрсетілді
1 мин
оқу үшін

Бұл күндері АҚШ-тың Флорида штатында өтіп жатқан теннистен Майами WTA 1000 жарысы өзінің шарықтау шегіне жақындап келеді. Халықаралық аса ірі додада бақ сынаған бес отан­дасы­мыздың тек екеуі ғана 1/16 финал­ға жол­дама алды.

Рыбакина мен Бублик – үшінші айналымда

Мәселен, ерлер арасында Қазақстанның бірінші, әлемнің 44-ракеткасы Александр Бублик аталған турнирдің екінші айналымында рейтингте 57-орында тұрған сербиялық Ласло Дьеремен кездесіп, екі сетте 6:3, 6;4 нәтижесімен жеңіске жетті. Енді Бублик төртінші айналымға шығу үшін әлемнің 104-ракеткасы аустралиялық Джеймс Даквортпен ойнайды.

Сонымен қатар қыздар арасындағы еліміздің бірінші ракеткасы Елена Рыбаки­на да үшінші айналымға шықты. Осы дода­ның 21-ракеткасы болып тіркелген ол дүние­жүзілік рейтингте 64-сатыға жайғасқан эстониялық тәжірибелі теннисші Кайя Кане­пиді еш қиындықсыз екі сетте 6:4, 6:0 есебімен тізе бүктірді. Рыбакина плей-офф кезеңіне шығу үшін әлемнің 58-ракеткасы испаниялық Сара Соррибес-Тормомен шеберлік байқасады.

Өкінішке қарай, алғашқы айналымда әйгілі Винус Уильямсты жеңген Зарина Диас екінші кезеңде швейцариялық Белинда Бенчичтен, ал Михаил Кукушкин ресейлік Аслан Карацевтен жеңіліп, жарысты ерте аяқтауға мәжбүр болды.