Қазақстан • 10 Сәуір, 2021

Динара Сәдуақасова турнирге қатысудан не себепті бас тартқанын айтты

245 рет
көрсетілді
1 мин
оқу үшін

Қазақстандық гроссмейстер Динара Сәдуақасова Fаcebook-тегі парақшасында интернеттің нашар ұстауынан Polar Challenge халықаралық турниріне қатысуды тоқтатқанын жазды, деп хабарлайды Egemen.kz

Динара Сәдуақасова турнирге қатысудан не себепті бас тартқанын айтты

«Қымбатты достар, интернеттің тұрақсыздығынан Polgar Challenge турниріне қатысуды тоқтатуға мәжбүр екенімді өкінішпен хабарлаймын. Мен турнирге шахмат жағынан да, техникалық тұрғыдан да дайын едім. Бірақ мен ойнаған барлық жеті партияда интернетпен қайта-қайта проблемалар болды. Халықаралық гроссмейстер Lei Tingjie-мен ойын кезінде 7-ші турдың соңғы партиясында мен уақыт бойынша да, тас саны бойынша басымдыққа ие болып тұрғанмын. Бірақ тұрақсыз байланыстың салдарынан уақытты өткізіп алдым. Әр партияда маған ойын барысынан бұрын интернет туралы көбірек ойлауға тура келді. Мен үш провайдердің байланысын қолдандым, ештеңе көмектеспеді. Жанкүйерлер мен ұйымдастырушылардан тағы да кешірім сұраймын», деді Динара Сәдуақасова.

Соңғы жаңалықтар

Су үнемдейтін қондырғы

Технология • Кеше