![Қытай Қазақстанға инвестициялық жобаларды тартуға ниетті](/media/2021/04/13/b9eb1683-2d02-4061-ab77-75bedd55dd7b.jpeg)
Қазақстан мен Қытай арасындағы инвестициялық өзара іс-қимылды дамыту мақсатында Қазақстанның Шанхайдағы Бас консулдығы «KAZAKH INVEST» ҰК» АҚ-ның ҚХР-дағы Өкілдігімен және Шанхай қаласындағы Қытайдың Халықаралық саудаға жәрдемдесу жөніндегі комитетімен бірлесіп, Шанхай қаласында Қазақстан-Қытай инвестициялық семинарын өткізді, оның жұмысына 20-дан астам қытайлық ұйымдар мен компаниялардың өкілдері қатысты.
Қазақстан-Қытай семинары барысында қатысушылар Қазақстанның инвестициялық климатымен және ҚР-дағы перспективалық инвестициялық жобалармен танысты.
Жалпы, қытайлық ұйымдар мен компаниялардың өкілдері Қазақстанмен өзара тиімді ынтымақтастыққа заттық қызығушылық танытып, келешекте осындай іс-шаралардың көптеп ұйымдастырылатынына сенім білдірді.