Шағымданушылардың сұрақтары балалар алаңдарының құрылысына, Зареченское ауылында су құбырын өткізуге, Жамбыл кентін газдандыруға қатысты болды. Жергілікті атқарушы органдар өтініш берушілерге нақты мерзімдер мен орындаушыны көрсете отырып, барлық мәселелерді шешуге уәде берді. Өз кезегінде Агенттік төрағасының орынбасары олардың орындалуын бақылауға алды.
Д.Малахов Әулиекөл ауданына да барады деп жоспарлануда, онда сервистік әкімдіктің жұмысын тексеріп, фронт-офистің жұмысымен танысады және азаматтарды қабылдайды.
Сондай-ақ Агенттік Төрағасының орынбасары Нұрлан Шабдар Қарағанды облысына сапары барысында облыстық «Ashyq akimat» қызметімен танысты. Сыбайлас жемқорлық тәуекелдері тұрғысынан өңірдің мәдени объектілерін қайта құру барысына және бюджет қаражатын тиімді, ұтымды пайдалануға ерекше назар аударылды.
Азаматтарды қабылдау барысында Н. Шабдар Жезқазған қаласы мен Ұлытау ауданының тұрғындарымен кездесті. Шағымданушылардың өтініштері жер телімдерін бөлуге, жастарды тұрғын үймен қамтамасыз етуге және т.б. қатысты болды.
Агенттік өкілдері аудандар мен қалаларды аралаумен қатар, ауылдар мен кенттердің тұрғындарымен сыбайлас жемқорлыққа қарсы саясатты түсіндіру бойынша кездесулер өткізді.
Жалпы, барлық іс-шаралар санитарлық-эпидемиялық нормаларды сақтай отырып, көбіне онлайн форматта өткізілуде.
