Коронавирус • 15 Сәуір, 2021

Нұр-Сұлтанда еңбек ұжымдарын жаппай вакциналау жүріп жатыр

32 рет көрсетілді

Елордадағы көшпелі бригадалар қаланың түрлі кәсіпорындары мен ірі ұйымдарының қызметкерлерін коронавирустық инфекцияға қарсы вакциналауды жүргізіп жатыр, деп хабарлайды Egemen.kz қала әкімдігінің ресми сайтына сілтеме жасап. 

КВИ вакцинасын алуға әртүрлі кәсіпорындардың еңбек ұжымдары ниет білдірді. Олардың арасында «Астана-АЭК» АҚ, Еуразия Ұлттық Университеті, «Астана Балет» театры, «Нұр-Әлем» павильонының қызметкерлері, құрылыс компаниялары, СОО, мемлекеттік органдар және т.б. бар.

«Қазір өз қызметкерлерін коронавирустық инфекцияға қарсы вакцинациялағысы келетін ұжымдар жиі жүгіне бастады. Ниет білдірушілердің тізіміне сәйкес сол жерде вакцинация жүргізу үшін МСАК ұйымдарының көшпелі бригадаларын жібереміз. Меншік иелерінің аумағында барлық санитарлық нормаларды сақтай отырып егу пункттері ұйымдастырылған», деді қалалық Қоғамдық денсаулық сақтау басқармасы басшысының орынбасары Әлия Рүстемова.

Оның айтуынша, әртүрлі кәсіпорындарда COVID-19 вакцинасын алғысы келетіндердің саны 1000 адамға жетеді.

«Астана-АЭК» АҚ қызметкерлері вакцинация COVID-19-ға қарсы тұрудың басты тәсілі екенін атап өтті.

«Ұжымды вакцинациямен қамту үшін кәсіпорында егу пункті ұйымдастырылды. Оны өткізу үшін бізге №5 қалалық емхананың медперсоналы келді. Пайдалану сенімділігі және қауіпсіздік техникасы қызметі жеке кабинет ұйымдастырып, тұрғындардың бір орынға жиылып қалуына жол бермеу үшін қатаң қабылдау кестесін әзірледі», деп атап өтті «Астана-АЭК» АҚ.

Елорда әкімі Алтай Көлгіновтің тапсырмасы бойынша халықты вакцинациямен кеңінен қамту үшін егу пункттерінің жұмыс кестесі таңғы сағат 8-ден 12-ге дейін, Mega Silk Way СОО-да таңғы сағат 10-нан 22-ге дейін ұзартылды. 1-ден 3-ке дейін көшпелі бригадалардың саны да қалыптасуда.

Жалпы қалада КВИ-ға қарсы вакцинаны 40 мыңнан астам адам қабылдады.

Соңғы жаңалықтар

Амманға аттанды

Спорт • Кеше

Қадір түнінің қасиеті

Руханият • Кеше

Алматы қаласында жер сілкінді

Аймақтар • 06 Мамыр, 2021

Ұқсас жаңалықтар