Аймақтар • 15 Сәуір, 2021

Қарасу ауданында 39 үйді су басты

80 рет көрсетілді

13 сәуірде қардың қарқынды еруінен Тюнтюгур өзені арнасынан асып, Қарасу ауданының Қарамырза ауылында 39 тұрғын үйді су басты, деп хабарлайды Egemen.kz Қостанай облысы ТЖД баспасөз қызметіне сілтеме жасап.

Ведомствоның мәліметінше, 13 сәуірде қардың қарқынды еруі салдарынан Тюнтюгур өзені арнасынан асқан.

«Қарасу ауданының Қарамырза ауылында 39 тұрғын үйді су басты, ондағы су деңгейі 30 см-ге дейін көтерілді. Төтенше жағдайлар департаментімен жергілікті атқарушы органдар бірігіп, зардап шеккен халықты эвакуациялау ұйымдастырылды. Су басқан жерден эвакуациялық пункттерге 69 адам эвакуацияланып, негізгі бөлігі туыстарына орналастырылды. 334 бас ірі қара мен ұсақ мал қауіпсіз жерге шығарылды. Қаза болғандар мен зардап шеккендер жоқ», делінген хабарламада.

Тәулік бойы ТЖД, ЖАО күштері тұрғын үйлерден еріген қар суын сору жұмыстары жүргізілді. Су басқан 39 үйдің ішінен су толығымен тартылды. Қазіргі уақытта барлық тұрғындар үйлеріне оралған. Қарамырза ауылының аумағында су басқан үйлер жоқ.

Соңғы жаңалықтар

Ұқсас жаңалықтар