Әріптесіне қол көтерген басшы әділет департаментіндегі тәртіптік комиссияның төрағасы екен.
Жұмыс кезінде сөзге келіп қалған 34 жастағы мемлекеттік қызметкер жасы 50-ден асқан инспекторды ұрып жіберген. Зардап шегуші полиция мен мемлекеттік қызмет істер агенттігіне арызданып, қол көтерген әріптесін жазаға тартуды талап етуде.
Ал жұмыс кезінде қызметкерді ұрған бөлім басшысы сол арада бала күтіміне байланысты декреттік демалысқа шығып кеткен. Жұмыс уақытында соққыға жығылған инспектор соттасуға да дайын.
«Дауысын қатты көтеріп, менің беделімді түсірді. Бұл кісі жұмыс барысында сөзімді тыңдамай, жұмыс үстелді айналып келіп мұрнымнан соқты. Қатты соқты. Қан ақпағанымен, танауым ісіп кетті», дейді облыстық Әділет департаментінің инспекторы Жанат Қадырбеков.
