Қоғам • 19 Сәуір, 2021

Денсаулық сақтау министрлігі улы маскалар туралы пікірді теріске шығарды

490 рет

көрсетілді

1 мин

оқу үшін

Әйелдің медициналық масканы отқа жағып отырған видеосы желіде тарап кетті. Видеодан масканың жанбай, ери бастағанын көруге болады. Осыдан кейін әйелдер материалды улы деп мәлімдеп отыр. Денсаулық сақтау министрлігінің өкілдері бұл ақпаратты жоққа шығарып, оның жансақ ақпарат екенін алға тартады, деп хабарлайды Egemen.kz

Айым ДӘУІТ

Денсаулық сақтау министрлігі улы маскалар туралы пікірді теріске шығарды

Бейнежазбада әйелдер Қара теңізде екенін және масканы отқа жағып отырғанын айтады. Маска отта балқи бастаған кезде роликтің авторы оның пластиктен жасалғанын және адам денсаулығына айтарлықтай кері әсер ететінін айтты.

«Біріншіден, бұл видео Қазақстанда емес, Ресейде түсірілген және елімізге еш қатысы жоқ. Екіншіден, бізде сатылатын маскалардың сапасы өте жоғары және санитарлық талаптарға сай. Медициналық масканың отқа жанбай еруі қызық немесе ерекше жайт емес. Жеке қорғаныс заттары арнайы материалдан жасалады. Ол – спанбонд деп аталады. Ол синтетикалық, матаға жатпайтын материал, ол беріктігімен, жоғары және төмен температураға төзімімен, су өткізбеу және инфекциядан қорғауға қажетті өзге де қасиеттерімен ерекшеленеді. Спанбонд улы зат емес, ол синтетикалық материал. Оны өртеген кезде ол расымен де балқиды, бірақ зиян заттар шығармайды. Роликте айтылған пластик медициналық маскаларды жасау кезінде қолданылмайды», дейді ведомство өкілдері.

Осылайша, бұл видео маскалардың улы екенін дәлелдей алмайды, ал авторлардың мәлімдемелері теріске шығып отыр.