Экономика • 21 Сәуір, 2021

Көмір индустриясындағы маңызды келісім

48 рет көрсетілді

Көмір индустриясындағы әлеуметтік және еңбек қатынастарын реттеу мақсатында жауапты мемлекеттік орган мен салалық өнеркәсіп жұмыс берушілері, сондай-ақ кәсіподақтар арасында 2021-2023 жылдарға арналған келісімге қол қойылды.

Көмір өндірісі үшін маңызды құжатқа Индустрия және инфрақұрылымдық даму вице-министрі Аманияз Ержанов, Тау-кен өндіру және тау-кен метал­лургия кәсіпорындары қауым­дастығының атқарушы дирек­торы Николай Радостовец, «Бога­тырь Көмір» ЖШС-нің бас директоры Николай Кор­саков, «Қазкөміртек» көмір өндіру­шілердің салалық одағының төрағасы Марат Миргаязов, «Қазпрофметалл» тау-кен металлургия салалық одағының төр­ағасы Асылбек Нұралин, сол секілді Көмір өнеркәсібі қыз­мет­керлері кәсіподағының төр­ағасы Михаил Никифоров қол қойып, ортақ келісімге келді.

Арнайы жұмыс тобы аталған құжатты 9 ай ішінде дайын­дағанын айта кеткен орынды. Шамамен 35-ке жуық оты­рысы өткізіліп, күрделі келіс­сөздер нәтижесінде ортақ келі­сімге қол жеткізіліп, оның негізінде көмір өндіруші кәсіп­орындарда ұжымдық шарттар әзірленіп, қабылданады.

Бұл ретте тиісті келісімде көз­дел­ген әлеуметтік-экономи­калық жеңілдіктер мен кепілдік­терді барлық тарап орындап, сақ­тауға міндетті. Олар ұжым­дық шарттарда немесе жұмыс беру­шінің актілерінде бұрма­лан­бауы тиіс. Сонымен қатар ұжым­дық шарттарда қосымша әлеу­мет­тік кепілдіктер қарасты­рылуы мүмкін.

«Осы құжаттың әлеуметтік әріп­тестікті дамытуда, өңір­лер­дегі тұрақтылықты қамта­ма­сыз етуде, сондай-ақ бар­лық тарап арасындағы тең құ­қық­ты диалог арқылы сақ­тауда маңызы зор. Аталған келі­сім еңбек жағдайларын жақ­сартуға, қауіпсіз жұмыс жағ­дай­ларын жасауға, әлеуметтік кепілдіктерді қамтамасыз етуге, еңбекақы төлеу жүйесін жетіл­діруге, қызметкерлердің білік­тілігін арттыруға және жастармен жұмысты ұйымдастыруға мүмкіндік береді. Бұл мәселелер әсіресе коронавирус пандемиясы кезеңінде өзекті», деді Н.Радостовец.

Үш жылға арналған құжатқа сәйкес, еңбек ұжым­дарында қо­лай­лы әлеуметтік-психо­ло­гия­лық климатты сақтау, еңбек дауларының алдын алу және ескерту бо­йынша бірлес­кен ш­а­ралар қабылдау, әлеумет­тік-ең­бек жанжалдары мен ереуіл­дерді болдырмауға бағыттал­ған іс-ша­раларды өткізу жоспарлануда.

Тараптар өндірісті жаңғырту мен өсіруді ынталан­дыруға, көмір саласына жаңа технология­ларды енгізу­ге, қызмет­кер­лер­дің табысын арттыруға бағыт­талған экономикалық саясат жүргізуге уағдаласты. Сонымен қоса көмір өндірісінің дамуына жәрдемдесуге, көмір тасымалдау бағасының негізсіз өсуін тежеуге, инвестиция­лар тартып, салалық стандарттарды енгізуге және тауарлар сертификаты бойынша жұмыс жүргізуге әрі білікті кадрлар даярлау жүйесін жетілдіруге әзір екендерін жеткізді.

Әлеуметтік әріптестік аясында көмір компаниялары­ның қыз­меткерлері үшін әлеу­мет­тік кепілдіктер, атап айтқан­да уақытша еңбекке жарам­сыз­дыққа байланысты, бала туған жағдайда, зейнет жасына толғанда еңбек шарты бұзылған кезде біржолғы жәрдемақы және тағы басқа қолдау тетіктерімен қамту қарастырылады.

 

Соңғы жаңалықтар

Канелоны ауыр шайқас күтіп тұр

Кәсіпқой бокс • Бүгін, 12:18

Хави бас бапкер бола ма?

Футбол • Бүгін, 11:25

Доллар бағасы тағы көтерілді

Экономика • Бүгін, 11:23

43 жылдан кейінгі ірі жеңіліс

Футбол • Бүгін, 09:55

Төртінші мәрте ұтылды

Хоккей • Бүгін, 09:32

Кешегінің кебежесі

Тарих • Бүгін, 09:30

Жас суретшілер жиыны

Аймақтар • Бүгін, 09:28

Жолдама үшін жанталас

Спорт • Бүгін, 09:20

Тіл – ұлттың ұяты

Қазақстан • Бүгін, 09:17

Қыш құпиясы

Өнер • Бүгін, 09:13

Босаңсуға болмайды

Коронавирус • Бүгін, 09:07

Үш емхана екпе егуді аяқтады

Коронавирус • Бүгін, 09:02

«Дегдар» сыйлаған домбыра

Елорда • Бүгін, 09:00

Бразилиямен сауда айналымы артты

Экономика • Бүгін, 08:50

Шөл шынары

Өнер • Кеше

Қазақ боксының баһадүрі

Қазақстан • Кеше

Жұбайлар жыры

Өнер • Кеше

Ұлт ұранды ақын

Әдебиет • Кеше

Баррель көтерілген биік

Экономика • Кеше

Ұқсас жаңалықтар