Қоғам • 22 Сәуір, 2021

Елімізде күнбағыс майы қымбаттады

16 рет көрсетілді

Қазақстанда күнбағыс майы қымбаттады. Кейбір өңірде баға литріне 732 теңгеге дейін жеткен. Сонымен қатар тазартылған май өндірісі бір жылда бірден 54,4 пайызға өсті, деп хабарлайды Egemen.kz Energyprom.kz-ке сілтеме жасап.

Елдегі базарлар мен дүкендерде күнбағыс майының литрі 637 теңгеден саудалануда. Бұл осыдан бір ай бұрынғыға қарағанда 1,9 пайызға және бір жыл бұрынғыға қарағанда 44,3 пайызға қымбат.

2021 жылдың бірінші тоқсанында елде 50,9 мың тонна тазартылмаған күнбағыс майы өндірілді. Бұл бір жыл бұрынғыға қарағанда 14,9 пайызға көп. Тазартылған май өндірісі бір жылда бірден 54,4 пайызға, 45,2 мың тоннаға дейін өскен.

Елімізде тазартылмаған күнбағыс майын шығару негізінен Шығыс Қазақстан, Қостанай және Ақтөбе облыстарына тиесілі. Тазартылған майды өндіру бойынша Шымкент, сондай-ақ Шығыс Қазақстан облысы мен Алматы көш бастайды.

Айта кетейік, қазақстандық бес ірі күнбағыс майын өндірушінің монополияға қарсы заңнаманы бұзғаны анықталды. Бұл туралы бәсекелестікті қорғау және дамыту агенттігі мәлімдеді. Осы жылдың алғашқы екі айында күнбағыс майы 6,7 пайызға қымбаттаған. 

Соңғы жаңалықтар

Алматы қаласында жер сілкінді

Аймақтар • Бүгін, 17:39

Мереке қарсаңында марапатталды

Аймақтар • Бүгін, 13:58

Ұқсас жаңалықтар