Қоғам • 22 Сәуір, 2021

Эверест шыңын бағындырған Мария Әуезова елордаға келді

254 рет
көрсетілді
2 мин
оқу үшін

Эверест базалық лагерін бағындырған екі аяғы жоқ әлемдегі алғашқы әйел, елорда тұрғыны Мария Әуезова бүгін Нұр-Сұлтанға келді. Халықаралық әуежайдан оны елордалық спорт басқармасының өкілдері қарсы алды, деп хабарлайды Egemen.kz қала әкімдігінің ресми сайтына сілтеме жасап.

Эверест шыңын бағындырған Мария Әуезова елордаға келді

Марияның қиындыққа толы өмірі алты жыл бұрын, екі аяғынан айырылған кезден басталды. Мұндай күйге көне алмағанымен қиындыққа берілмеді. Алдымен Бурабайдың шыңына шықты. Ал қазір Эверестке жетіп, 5364 м биіктікке қол жеткізді.

«Егер бір адамға жігер беріп, алға қарай ұмтылуына әсер етсем менің үлкен жеңісім сол болмақ. Мен сондай қуаныштымын! Үйіме оралғаныма қуанамын. Мен шынымен бақыттымын», деді Мария.

Спортшы алты ай бойы тау шыңын бағындыруға дайындалып, тіпті артық салмақ тастағанын айтты.

«Бурабайды бағындырғаннан кейін тоқтап қалмасымды білдім. Ары қарай ұмтылып, Синюхадағы Таз тауына шықтық. Енді одан да биікке шығуымыз керек деген шешім қабылдадық. Бір жарым жыл уақытымыз дайындыққа кетті. Туыстарым мен достарым мен үшін қатты уайымдады. Дегенмен биікке шығу, қозғалу менің жағдайымдағы адам үшін қиын. Жолымызда тас та, құм да кездеседі. Бір жерден арбамен жүріп өтетін мүмкіндік болса, енді бір тұста керісінше. Өз күшіммен өте алатын жерден өзім өтсем, қиындау тұстарында бірге шыққан достарым көмектесті. Командалық жұмыс өз нәтижесін берді. Жалпы, 10 күнде жоспарымызды жақсы орындадық. 5 мың метрге жақындағанда, тау ауруы аздап сезіле бастады. Бірақ жылдам өтті. Барлығы кәсібилік пен командалық жұмыстың арқасында. Мені көрген непалдықтар: «Сіз не істейін деп тұрсыз? Мұны істеу мүмкін емес. Жоқ. Қажет емес! Болмайды! Бұл қауіпті!» деді. Олар бізді райымыздан қайтарғысы келіп, қатты уайымдады. Елге ризамын, бізді жылы қабылдап, қолдарынан келгенше көмектесті», деді Мария.

Соңғы жаңалықтар

Су үнемдейтін қондырғы

Технология • Кеше