Денсаулық сақтау министрлігінің хабарлауынша, өткен сәрсенбіде 314 мыңнан астам адам қауіпті дерттің тырнағына ілінген. Осылайша, Үндістанда коронавирус жұқтырғандар саны 16 миллионға жуықтады. Қайтыс болғандар саны 185 мың адамға жеткен.
Нью-Дели қаласының әкімі ауруханаларда оттегі баллондары қалмағанын айтып дабыл қағып отыр. Сәуір басталғалы бері Үндістанда вирус жұқтырғандар саны күрт артқан.
Қазіргі таңда Үндістан ауруханаларының алдында коронавирус инфекциясына қарсы екпе салдыртуға ниетті адамдар ұзын-сонар кезекте тұр. Тіпті қара нарықта дәрі-дәрмек пен оттегі баллондары қымбат бағаға сатылып жатыр. Денсаулық сақтау министрлігінің мәліметінше, қазіргі кезде елде вакцинаның 123 миллион дозасы қолданылған.
