130-ға жуық босқын Жерорта теңізіне батып кетті

Ұйым мәліметі бойынша, соңғы 48 сағат ішінде Ливия жағалауында апатқа ұшыраған үш қайық туралы хабарлама келген. Олар SOS Mediterranee-ге тиесілі Ocean Viking құтқару кемесінен кемінде он сағаттық жерде екені ескертілген.

«Біз бүгін оқиға орнына келгеннен бері бірде-бір тірі адамды таппадық, дегенмен апат болған жерде ондаған адамның мәйітін көрдік»,  делінген ұйымның хабарламасында.

Құтқару операциясы ауа райының қолайсыздығы салдарынан қиындап кеткен. Іздеу аймағындағы толқындар 6 м-ге жеткен.