Жол апаты Серіков пен Қазыбаев көшелерінің қиылысында болған. Жүк көлігінің жүргізушісі Қазыбаев көшесімен оңтүстік бағытта жүріп келе жатқан. Т сипатындағы жолдар орамасында ол солға бұрылмақ болған. Осы кезде Серіков көшесі бойымен келе жатқан жолаушылар автобусы батысқа қарай кетіп бара жатқан.
Mercedes жүргізушісінің айтуынша, автобустың оңға бұрылу белгісі қосылған. Ер адам автобус Қазыбаевқа бұрылады деп ойлап, маневр жасай бастайды. Алайда, автобус тіке жүре береді. Салдарынан жүк көлігінің жүргізушісі тоқтап үлгермей, автобусқа соғылған.
Жол апатынан автобустың бес жолаушысы зардап шекті. Жүргізуші мен үш жолаушы ауруханаға жатқызылды. Дәрігерлер бесінші зардап шегушіні оқиға орнында тексеріп, босатты.
Полиция апаттың мән-жайын анықтап жатыр.
