Қазақстан • 28 Сәуір, 2021

Қазақстан БАӘ вакцинасының 1 млн дозасын сатып алды

124 рет
көрсетілді
1 мин
оқу үшін

«СҚ-Фармация» «Самұрық-Қазына» Ұлттық әл-ауқат қоры АҚ ұжымын вакциналау үшін 1 000 000 доза мөлшерінде коронавирустық инфекцияға қарсы Hayat-Vax (SARS-CoV-2 (Vero Cell) вакцинасының партиясын сатып алды, деп хабарлайды Egemen.kz Денсаулық сақтау министрлігіне сілтеме жасап.

Қазақстан БАӘ вакцинасының 1 млн дозасын сатып алды

«Sinopharm» компаниясы вакцинасының бұл партиясы Бірыңғай дистрибьютордың хабтарына жөнелтілгеннен кейін бірінші кезекте холдинг контингентінің қажеттіліктері үшін пайдаланылатын болады. Содан кейін Hayat-Vax вакциналарының қалған саны халық арасында вакцинация алғысы келетіндер үшін қолданылады. Аталған вакцина келесі кесте бойынша жеткізіледі:

– 2021 жылғы 30 сәуіріне дейін 400 000 доза;

– 2021 жылғы мамыр айында 600 000 доза.

Анықтама: алдын ала толтырылған шприцте немесе құтыда инактивацияланған «Sinopharm» Hayat-Vax (SARS-CoV-2 (Vero Cell) COVID-19 коронавирустық инфекциясына қарсы вакцинасы, сақтау шарттары +2 - +8 градус. 1 адамға вакцинаның 2 дозасын енгізу ұсынылады, екінші доза бірінші инъекциядан кейін 14 күннен соң жүргізіледі.

Өндірілген аймағы: Gulf Pharmaceutical Industries Julphar, БАӘ.