Қазақстан • 28 Сәуір, 2021

Қазақстан халқы Ассамблеясы ел тұрақтылығының кепілдігіне айналды

40 рет көрсетілді

Түркия–Қазақстан Достық Тобы депутаттары Қазақстанның 30 жылдықтағы жетістіктеріне қол жеткізген Тұңғыш Президент-Елбасы Нұрсұлтан Назарбаевты құттықтады.

Аса Мәртебелі Қазақстан Республикасының Тұңғыш Президенті, 

Түркі әлемінің Ақсақалы және данышпан көшбасшысы, 

Аса Құрметті Нұрсұлтан Назарбаев!

Биыл Қазақстан Тәуелсіздігінің 30 жылдық мерейтойын атап өтуде. Осы уақыт ішінде Сіз басқарған Қазақстан ішкі тұрақтылығын орната отырып, мемлекеттік құрылысын аяқтап қана қоймай, сонымен бірге қоғамның барлық салаларында, әсіресе экономикада серпіліс жасады. Сіздің атыңызбен аталатын жаңа астана Ұлы даланың кіндігінде бой көтерді. Сіз негізін қалаған Қазақстан халық ассамблеясы ел тұрақтылығының кепілдігіне айналды.

Бұған қоса, Қазақстан халықаралық қоғамдастықтың беделді мүшесіне айналды. Қазіргі кезеңде Қазақстан – ядролық қарусызданудан терроризмге қарсы күрес, аймақтық интеграциядан көлік дәліздеріне дейінгі көптеген салаларда жауапкершілікті өз мойнына алатын сирек елдердің бірі. Азиядағы өзара ықпалдастық және сенім шаралары кеңесі халықаралық ұйым болу жолында жылжуда.

Түркі әлемі аясында Сіз жүргізген тұрақты және дәйекті саясаттың арқасында түркі мемлекеттерінің ынтымақтастығы бүгінде халықаралық ұйым деңгейінде институттандырылды. Атап айтқанда, Түркі мемлекеттер ұйымы, Халықаралық Түркі академиясы, Түркпа – Сіздің тікелей бастамаңызбен құрылған құрылымдар. Қазақстан Сирия мәселесін шешуге арналған «Астана процесін» өткізу арқылы Таяу Шығыс аймағындағы бейбітшілікке де үлес қосуда.

Осы уақыт ішінде Түркия-Қазақстан қатынастары да қарқынды дамып, бауырластық байланыстарға негізделген екі ел ынтымақтастығы стратегиялық әріптестік деңгейіне көтерілді. Біздің елдеріміз білім беруден бастап ғылымға дейін, экономикадан өнеркәсіпке дейін көптеген салаларда ынтымақтасады. Әсіресе, біздің парламентаралық қарым-қатынасымыз өте күшті ерік-жігермен жалғасын табуда. Біз Қазақстанның әрбір бастамасын қолдауға және бауырластық қарым-қатынасымызды нығайтуға әрқашан дайынбыз.

Қазақстанның осы 30 жылдық жетістіктері, шын мәнінде, Сіздің жетістіктеріңіз болып табылады. Осы орайлы сәтті пайдалана отырып, ең алдымен, Сізді құттықтауға рұқсат етіңіз. Сізге зор денсаулық пен ұзақ өмір, ал бауырлас ел Қазақстан мәңгі жасауын шын ынта-пейілімізбен тілейміз.

Түркия Ұлы Ұлттық Мәжілісі

Түркия–Қазақстан Достық Тобы Депутаттары:

1. Мехмет Әли Жевхери (Төраға) Шанлыурфа провинциясы;

2. Айхан Ерелин Аксарай провинциясы;

3. Ирфан Картал Ван провинциясы ;

4. Еркан Акчай Маниса провинциясы ;

5. Исмаил Учма Ыстанбұл провинциясы:

6. Фикрет Шахин Балыкесір провинциясы.

Соңғы жаңалықтар

Петропавл әуежайы жабылады

Аймақтар • Бүгін, 12:27

Бір облыс «қызыл» аймақта тұр

Коронавирус • Бүгін, 09:32

Қазақстанда қанша адам вакцина алды

Коронавирус • Бүгін, 09:10

Бүгін – Тұңғыш Президент күні

Қазақстан • Бүгін, 09:04

Үздіктер қатарынан көрінді

Спорт • Бүгін, 08:52

Екі жүлде – «егемендіктерде»

Егемен Қазақстан • Бүгін, 08:50

Тбилисиде топ жарды

Спорт • Бүгін, 08:48

Кардинг шабуылы

Қоғам • Бүгін, 08:45

Қаламгерге арналған конференция

Қазақстан • Бүгін, 08:34

Азаттық туын асқақтатқан

Қазақстан • Кеше

Елін сүйген Елбасы

Елбасы • Кеше

Ұқсас жаңалықтар