Парламент • 01 Мамыр, 2021

Көпұлтты халықтың татулығы біздің басты байлығымыз – Нұрлан Нығматуллин

447 рет
көрсетілді
1 мин
оқу үшін

Мәжіліс төрағасы Нұрлан Нығматуллин қазақ елін халықтар достығы, бірлігі мерекесімен құттықтады, деп хабарлайды Egemen.kz

Көпұлтты халықтың татулығы біздің басты байлығымыз – Нұрлан Нығматуллин

«Барша қазақстандықтарды еліміздің татулығы мен тұтастығын бейнелейтін «Бірлік күні» мерекесімен құттықтаймын. Көпұлтты халықтың ырысы мен ынтымақтастығы және бейбіт өмірі-біздің басты байлығымыз. Сондықтан, осындай айтулы мейрам ұлттар арасындағы достықты одан әрі тереңдете түседі», деді Нұрлан Нығматуллин.

Сондай-ақ, Мәжіліс төрағасы Тұңғыш Президентіміз, Елбасы Нұрсұлтан Назарбаевтың Тәуелсіздік алған жылдардан бастап, әрқашан халықтың береке-бірлігіне, қауіпсіздігіне, тұрақтылығына баса назар аударып келе жатқандығын атап өтті.

Сонымен қатар, Мемлекет басшысы Қасым-Жомарт Тоқаевтың осы бағытты әрі қарай жалғастырып келе жатқанын айтып, барша қазақстандықтарға денсаулық пен бақ-береке тіледі.