Экономика • 04 Мамыр, 2021

Мұнай бағасы үш айдан бері 60 доллардан асып тұр

35 рет көрсетілді

Бүгінгі сауда сессиясында мұнай бағасы кешегі көрсеткіштен жоғарылап, 67.65 доллардан асты, деп хабарлайды Egemen.kz .

Кешкі сағат 18.30 да да баға өзгерген жоқ,  Brent құны барреліне 68,32 долларды ұстап тұр.  1,12%, WTI - 65,15 доллар (+ 1,02%) нығайды.

Бұл соңғы бір жарым айдағы ең жоғарғы баға. Соңғы аптада мұнай 65,6 доллардан бірнеше пайызға қымбаттады. Ең бастысы, қара алтын өткен жылғы күйзелістерді қайталамай, жоғары баға деңгейінде тұрақты болып қала береді.

Трейдерлердің пікірінше, бұл жолғы баға ОПЕК+ саясатының нәтижесі. Нәтижесінде, соңғы үш айда Brent баррелінің бағасы 60 доллардан, ал соңғы үш аптада 64 доллардан төмендеген жоқ.

Осыған дейін бастапқы сценарий бойынша мұнай барреліне баға $ 50 деңгейінде болуы керек деген болжам басым болып келген. Осы деңгей сақталса,  Қазақстанда ЖІӨ өсімі 3,4-3,7%, ал 2022 жылы - 3,7-4,0% болуы керек. Бұл пікірді Ұлттық банк те, тәуелсіз сарапшылар да қолдайды.

Оптимистік сценарийде мұнайдың орташа бағасы кем дегенде $ 60 құрайды. Мұндай жағдайда елде  ІЖӨ 2021 жылы 3,6-3,7%, ал 2022 жылы - 3,9-4,2% аралығында болады деп болжануда. Мұнай экспорттаушы елдер ұйымы өзінің соңғы отырысында мұнай өндірісінің бұрын жоспарланған өсуін шектемеуге шешім қабылдады. ОПЕК + басшылығы  мұнайға әлемдік сұраныс біртіндеп артады деп үміттеніп отыр.

Сарапшылар COVID-19 мұнай бағасына кері әсер етіп келгенін осыған дейін де айтқан. Әлемде, соның ішінде АҚШ-та коронавирусты жұқтырған адамдардың  қарасы көбейіп барады. Қазіргі уақытта аптасына   49,6 мың адам ауруды жұқтырып жатыр. Бір ай бұрын бұл көрсеткіш 64 мыңнан астам жағдай деңгейінде болған. Құрама Штаттардағы инфекциялардың төмендеуі COVID-19 вакцинациясының сәтті өтуімен байланысты. Жақында АҚШ президенті Джо Байден АҚШ президенттігінің алғашқы 100 күнінде 220 миллион доза вакцина салынғанын мәлімдеді. Сондай-ақ АҚШ президенті  жаздың аяғында штаттарда COVID-19 таралу жағдайы төмендейтінін айтты.

Ертең Америка Құрама Штаттарында Энергетикалық ақпарат агенттігі елдегі шикі мұнай қорының статистикасы туралы келесі деректерді жариялайды.

Соңғы жаңалықтар

«Егеменге» жазылыңыз – сыйлық ұтып алыңыз!

Егемен Қазақстан • Бүгін, 19:08

Курчатовта АЭС салынуы мүмкін

Қазақстан • Бүгін, 18:02

Вакцина салдырғандар саны артты

Коронавирус • Бүгін, 09:35

905 адамнан коронавирус анықталды

Коронавирус • Бүгін, 09:08

Ұқсас жаңалықтар