Әлем • 04 Мамыр, 2021

Зообақтағы 8 арыстаннан коронавирус анықталды

198 рет

көрсетілді

1 мин

оқу үшін

Үндістанда Хайдарабад қаласындағы хайуанаттар бағындағы 8 арыстаннан коронавирус індетті табылды, деп хабарлайды Egemen.kz

Айым ДӘУІТ

Зообақтағы 8 арыстаннан коронавирус анықталды

Белгілі болғандай, аумағы 160 шаршы метрден асатын сафари аймағын шамамен 10 жастағы 12 арыстан мекендейді. Сәуір айының соңында саябақта жұмыс істейтін ветеринарлар арыстандардың тәбеті жоғалғанын, мұрынынан су ағып, жөтел пайда болғанын байқаған. Зерттеу нәтижелері бойынша 4 аталық және 4 аналық арыстаннан коронавирусқа сынама алынып, оң нәтиже көрсеткен.

Ветеринарлар жануарлардан сынама үлгісін алып, Хайдарабадтағы жасушалық және молекулалық биология орталығына жіберген. Енді орталықтың ғалымдары жануарлар коронавирустың қандай штамын жұқтырғанын анықтап жатыр.

Үндістан коронавирус жұқтыру жағдайлары бойынша әлемде екінші орында тұр. Денсаулық сақтау министрлігінің соңғы мәліметтеріне сәйкес, елде барлығы 20,2 миллионнан аса адам COVID-19 жұқтырған. 16,6 миллионнан аса адам сауығып, коронавирус белгілері бар ауырдан 222 мың адам қайтыс болған.