Ведомствоның мәліметінше, 10 мамырда сағат 13:00-де Степногор қалалық ПБ кезекші бөліміне ұялы телефоннан ер адам хабарласып, 5-шағынауданда жарылғыш зат қойылғанын айтқан.
Тексеріс барысында тәртіп сақшылары ешқандай бомбаны таппады.
«Жедел-іздестіру шарасы аясында полиция қызметкерлері 29 жастағы жергілікті тұрғынды ұстады. Ол 2019 жылы да осындай қылмысы үшін жауапқа тартылған» деді ведомстводан.
Қазіргі кезде күдіктінің үстінен Қылмыстық кодекстің 273-бабы («Терроризм туралы көрінеу жалған хабарлау») бойынша қылмыстық іс қозғалды.
Күдікті қамауға алынды. Тергеу шаралары жалғасып жатыр.
