Туыстарының мәліметінше, вакцинаның екінші дозасын алған 44 жастағы азамат бір тәулік бойы өзін жайсыз сезінген. Екінші күні қалшылдап ауырып, есінен танып қалған.
Ер адамды жедел жәрдем қызметі №4 қалалық ауруханаға жеткізіп, бірден жансақтау бөліміне жатқызыпты. Оның туыстары науқас екпені жұмысынан айырылып қалмау үшін, мәжбүрлі түрде салдырғанын айтады. Вакцинаның бірінші дозасынан кейін де, бас ауруы жиілеген. Сондай-ақ антибиотикке аллергиясы бар боп шықты.
Қазір дәрігерлер жағдайдың екпемен байланысы бар-жоғын тексеріп жатыр.
Бұған дейін Алматы қаласында 1979 жылы туған азамат вакцинаның екінші дозасын алғаннан кейін қайтыс болды, деген ақпарат тараған болатын.
