Оқиға • 13 Мамыр, 2021

Ақтөбе облысында 5 және 6 жасар балалар суға батып кетті

1347 рет көрсетілді

Ақтөбе облысында екі бала суға батып кетті, деп хабарлайды Egemen.kz.

Облыстық ТЖД мәліметінше, оқиға туралы хабарлама 12 мамыр күні түнгі 22.29-да түскен. Бес және алты жасар екі бала Ақтөбе маңындағы Бекқұл баба ауылындағы Жаман Қарғалы өзеніне батып кеткен.

Оқиға орнына жедел-құтқару жасағының сүңгуірлері мен ТЖД психологтары шықты. Олар жеткенше ауыл тұрғындары судан 5 жасар баланың мәйітін алып шығаққан.

Кейін балалар үлкендердің қарауынсыз қалып, суға киімсіз түскені белгілі болды. Сағат 00.09-да құтқарушылар жағадан үш шақырым жерде, жеті метр тереңдіктен екінші баланың денесін тапты, ол алты жаста болған.

Ақтөбе облысының ТЖД өкілдері ата-аналарға балаларына судағы қауіп туралы ескертіп, оларды қараусыз қалдырмауды өтінді. 

Айта кетейік, жыл басынан бері Ақтөбе облысында бес адам суға батып кетті, олардың үшеуі - ересек, екеуі - бала.

Соңғы жаңалықтар

Меркель қызметінен кетті

Саясат • Бүгін, 17:30

Сарапшы Головкинді қатты сынап тастады

Кәсіпқой бокс • Бүгін, 16:15

Ұқсас жаңалықтар