Белгілі болғандай, осы жылдың сәуір айында БҚО бойынша Сыбайлас жемқорлыққа қарсы іс-қимыл департаментімен ҚР ӘҚБтК-нің 681-бабы «бұрын сыбайлас жемқорлық қылмыс жасаған адамдарды жұмысқа қабылдау» бойынша Дене шынықтыру және спорт департаментінің басшысы Қаймен Есендияровтың үстінен әкімшілік іс қозғалған болатын. Іс қысқартылған тәртіппен қаралды. Облыстық спорт бөлімінің басшысына 291 700 теңге айыппұл салынды. Бір апта ішінде ол айыппұлдың 50%-ын, яғни 145 850 теңге төледі.
Кейін Есендияров БҚО бойынша Сыбайлас жемқорлыққа қарсы іс-қимыл департаментінің басшысы Біржан Хайруллиннің әрекетіне шағым түсіреді, алайда сот өтінішті қараусыз қалдырды, себебі бірінші сатыдағы соттың қаулысы заңды күшіне енген болатын.
«Мой город» интернет-басылымының мәліметінше, Мемлекеттік қызмет істері департаменті де облыс әкімдігіне Қаймен Есендияровқа қатысты шешім қабылдау ұсынысымен хат жолдаған. Алайда нақты қандай ұсыныс екені белгісіз.
