Елбасы • 14 Мамыр, 2021

Елбасы Әсет Исекешев пен Нұрлан Ермекбаевты қабылдады

188 рет
көрсетілді
1 мин
оқу үшін

Қауіпсіздік Кеңесінің Төрағасы Нұрсұлтан Назарбаев Әсет Исекешев пен Нұрлан Ермекбаевты қабылдады, деп хабарлайды Egemen.kz Елбасының ресми сайтына сілтеме жасап.

Елбасы Әсет Исекешев пен Нұрлан Ермекбаевты қабылдады

Кездесуде биыл 19 мамырда өтетін Қауіпсіздік Кеңесі отырысының күн тәртібі және жиында қарастыру жоспарланған құжаттар талқыланды.

«Аппарат Қауіпсіздік Кеңесінің кезекті отырысына материалдарды дайындады. Отырыста екі мәселе қаралды. Біріншісі – Қарулы Күштерді құру және дамыту тұжырымдамасы туралы, екіншісі – шекарадағы қауіпсіздікті қамтамасыз ету жөнінде. Бірінші мәселе бойынша Қорғаныс министрлігімен бірлесе отырып, негізгі басым бағыттар мен іске асыру кезеңдері анықталды. Сондай-ақ Үкіметпен бірге қаржыландыру және Тұжырымдаманы іске асыруға қорғаныс өнеркәсібі кешеніндегі кәсіпорындардың қатысуы мәселелері қаралды», деді Ә.Исекешев.

Өз кезегінде Қорғаныс министрі жаңа Тұжырымдама жобасында көрініс тапқан армияны құрудың негізгі бағыттары туралы толық ақпарат ұсынды.

Соңында Нұрсұлтан Назарбаев Қауіпсіздік Кеңесінің Аппаратына бірқатар нақты тапсырмалар берді.

 

Соңғы жаңалықтар

Су үнемдейтін қондырғы

Технология • Кеше