Үкімет • 16 Мамыр, 2021

Абай еңбектерін румын тіліне аударған профессор марапатталды

17 рет көрсетілді

Қазақстан Елшісі Нұрбах Рүстемов Абайдың «Қара сөздерін» румын тіліне аударған Бухарест университетінің шет тілдері және әдебиеті факультетінің профессоры Антоанета Олтянуға Президент Қасым-Жомарт Тоқаевтың алғыс хатын табыс етті, деп хабарлайды Egemen.kz СІМ баспасөз қызметіне сілетме жасап.

Мемлекет басшысы аудармашыға Қазақстан мен Румыния арасындағы мәдени байланыстарды дамытуға қосқан үлесі үшін алғыс айтқан.

Сонымен қатар Антоанета Олтянудың кәсіби қызметі Қазақстанның Мәдениет және спорт министрінің алғыс хатымен де атап өтілді. А.Олтяну еңбегіне берілген жоғары баға үшін шынайы ризашылығын білдіріп, екіжақты мәдени байланыстың ілгерілеуіне одан әрі үлес қосуға дайын екенін растады.

Айта кетейік, 2019 жылдың шілдесінде «Немура» баспасында жарыққа шыққан Абайдың румын тіліндегі тұңғыш еңбектері оқырманның ыстық ықыласына ие болды.

2020 жылдың қыркүйегінде ақынның мерейтойын атап өту аясында Бухарестің орталық саябақтарының бірінде Абай бюстінің салтанатты ашылуы өтті.

Соңғы жаңалықтар

Доллар қайтадан қымбаттады

Қаржы • Бүгін, 15:00

Ұқсас жаңалықтар